Á níunda tímanum í gærkvöldi stöðvaði lögreglan dansleik í miðborginni. Hann var haldinn í húsnæði við hlið veitingastaðar. Gestir á dansleiknum fóru inn á veitingastaðinn og báru áfengi og aðrar veitingar þaðan yfir í húsnæðið þar sem dansleikurinn var haldinn. Lögreglan stöðvaði dansleikinn og kærði um 25 manns fyrir brot á sóttvarnalögum. Ábyrgðarmaður veitingastaðarins kærður fyrir brot á áfengislögum.

Á fimmta tímanum í nótt var tilkynnt um innbrotstilraun í verslun í Bústaðahverfi. Þar hafði hurð verið spennt upp en ekki var að sjá að neinu hefði verið stolið.

Einn ökumaður var handtekinn í nótt, grunaður um að vera undir áhrifum fíkniefna. Hann reyndist vera sviptur ökuréttindum. Síðdegis í gær var akstur ökumanns stöðvaður á Reykjanesbraut í Kópavogi en sá reyndist vera sviptur ökuréttindum.