CNN greinir frá því í dag að fjölmargir þeirra sem sáust á myndum og myndböndum taka þátt í óeirðum í Washingtonborg á miðvikudaginn hafa nú misst vinnuna sína. Þá hefur FBI auglýst eftir myndbandsupptökum og ljósmyndum sem almenningur kann að hafa í sinni vörslu.
#FBIWFO is seeking the public’s assistance in identifying those who made unlawful entry into U.S. Capitol Building on Jan. 6. If you witnessed unlawful violent actions contact the #FBI at 1-800-CALL-FBI or submit photos/videos at https://t.co/NNj84wkNJP. https://t.co/iSeA3UMeyz pic.twitter.com/TW7fma4QDE
— FBI Washington Field (@FBIWFO) January 8, 2021
Hægt er að senda efni inn til FBI í gegnum s lóðina FBI.gov/USCapitol.
Óeirðirnar hófust á fjöldafundi sem Donald Trump Bandaríkjaforseti hafði boðað til með nokkurra daga fyrirvara. Fundarboð Trumps laðaði að þúsundir manna sem lögðu leið sína til höfuðborgarinnar víðs vegar að um Bandaríkin. Á útifundinum lét Trump hörð orð falla og sagði meðal annars að Demókratarnir væru að svindla, og að Hvíta húsinu hefði verið stolið af þeim. Mótmælendurnir lögðu þá leið sína upp að þinghúsinu þar sem mótmælin breyttust mjög fljótt í óeirðir. Óeirðaseggir beittu lögreglu ofbeldi, ruddust fram hjá og yfir girðingar hennar og brutu sér því næst leið inn í þinghúsið. Um klukkan tvö að staðartíma fóru myndir og myndbönd að birtast af mönnum í sæti forseta öldungadeildarinnar, Mike Pence í þingsal og í stól inni á einkaskrifstofu Nancy Pelosi.
Það eru þessi myndbönd sem eru nú að koma óeirðaseggjunum um koll.
Samtals kostuðu mótmælin fimm mannslíf, þar á meðal líf eins lögreglumanns sem lést í gærkvöldi af sárum sem hann hlaut í óeirðunum.
Fljótlega fóru netverjar á samfélagsmiðlum að nafngreina þá óeirðaseggi sem þeir þekktu. Ekki leið á löngu þar til staðbundnir fjölmiðlar tóku að nafnbirta „sitt fólk,“ vinnustaði þeirra og aðra fjölskyldumeðlimi.
Samkvæmt frétt CNN um málið var einn starfsmaður markaðsfyrirtækisins Navistar í Maryland rekinn eftir að til hans sást taka þátt í innbrotinu í þinghúsið í einkennisfatnaði fyrirtækisins.
Paul Davis, starfsmaður tryggingafélagsins Goosehead, missti sína vinnu eftir að myndband af honum birtist á samfélagsmiðlum þar sem hann segir: „Við erum öll að reyna að komast inn í bygginguna til að stöðva þetta.“ „Þetta“ í því samhengi, var staðfesting þingsins á úrslitum forsetakosninganna sem fram fóru í nóvember síðastliðnum. Í tilkynningu fyrirtækisins á Twitter sagði að Davis starfaði ekki lengur þar.
Paul Davis, Associate General Counsel, is no longer employed by Goosehead.
— Goosehead Insurance (@followgoosehead) January 7, 2021
Rick Saccone, fyrrum þingmaður í ríkisþingi Pennsylvaníu, var aðjúnkt í Saint Vincent College í ríkinu. Eftir að hann birti sjálfur myndir af honum á Facebook utan við þinghúsið Bandaríkjanna í Washingtonborg á miðvikudaginn hóf vinnuveitandi hans sjálfstæða rannsókn á aðkomu hans að mótmælunum. Þeirri rannsókn lauk þegar Saccone afhenti háskólanum uppsagnarbréfið sitt. Hann hafði starfað þar í 21 ár.
