Í kjölfar ítarlegrar umfjöllunar DV um rekstur Skjóls óskaði DV eftir upplýsingum um launakjör æðstu stjórnenda Skjóls og ónafngreinanlegar upplýsingar úr atvikaskrá.

Áður hafði DV flutt fréttir af „óboðlegum“ vinnuaðstæðum á Skjóli og alvarlegu ástandi vegna manneklu.

Beiðnin um upplýsingar snéri að:

1. Nafnhreinsaðri atvikaskrá Skjóls
2. Launakjör æðstu stjórnenda Skjóls
3. Föst launakjör deildarstjóra Skjóls
4. Áherslur og kröfur um árangur í starfi æðstu stjórnenda sem fram koma í ráðningarsamningi eða öðrum gögnum og upplýsingar um menntun þeirra.

Erindi DV svaraði Edda Björk Andradóttir og neitaði DV um ofangreindar upplýsingar. Sú ákvörðun hefur nú verið kærð til úrskurðarnefndar um upplýsingamál.