Í nótt voru unnin skemmdarverk á að minnsta kosti 18 bílum í Reykjanesbæ. Var bílunum lagt við Hólagötu, Njarðargötu og Faxabraut. Lögreglan óskar eftir sjónarvottum sem gætu veitt upplýsingar um málið. Hefur lögreglan á Suðurnesjum birt svohljóðandi tilkynningu um málið:
Lögreglan óskar eftir vitnum.
Í nótt voru unnin eignaspjöll á að minnsta kosti 18 bifreiðum í Reykjanesbæ. Bifreiðarnar voru lagðar við Hólagötu, Njarðargötu og Faxabraut. Í öllum tilvikum voru hliðarspeglar brotnir af.Löreglan biður þá sem urðu vitni að eða hafa upplýsingum um verknaðinn að hafa samband við lögreglu.
