Þórunn segir að líðan eldri borgara sem einangrast vegna heimsóknarbanns sé ekki í öllum tilvikum góð. Dæmi séu um að fólki hraki mikið.

„Reynsla fólks af því í vor er ekki góð. Það er að segja, fólki hrakaði. Þeirra aðstandendum sem að t.d. alzheimer– sjúklingum hrakaði hratt við það að enginn kom og þekktu svo jafnvel ekki sína nánustu. Eins þeir íbúar sem voru með aðra sjúkdóma og það eru bara dæmi um það að þá leið stuttur tími og þá var fólk farið.“

Þórunn segir ljóst að heimsóknarbann þjóni ákveðnum tilgangi, en kallar eftir nýjum lausnum sem tryggi að íbúar dvalarheimila geti átt samskipti við sína nánustu.

„Það hljóta að vera einhverjir möguleikar“

Þórunn bendir á að eldri borgarar eru ekki endilega vel að sér í nútíma tækninni og missi því mikið af umræðunni og samskiptum. Það sé því mikilvægt að leiðbeina þeim og kenna og taka líka upp símann og hringja.

„Elsti hópurinn okkar hann er ekki tengdur eins og maður segir og hann er að missa af svo mörgu. Og núna bara í hádeginu var auglýsing frá bönkum að aldraðir gætu hringt í. Það sýnir okkur og sannar að við verðum að hjálpa þeim að vera með í okkar samfélagi eins og það virkar í dag“

Þórunn benti einnig á verkefnið símavinir sem rauði krossinn stendur að baki. Sveitarfélögin hafi líka komið þar að og það sé dýrmætt. Það séu margir sem telja sig vegna einmanaleika þurfa símavin og hafi þetta reynst vel og skapað góð tengsl milli símavina og eldri borgara. Þórunn sjálf á símavin sem hefur reynst henni vel.

„Við teljum að þarna megi koma inn nýtt efni. sérstaklega við að kenna fólki á síma sína“

Hún hvetur einnig unga fólkið að vera dugleg að vera í sambandi við ömmur, afa, langömmur og langafa. „Tala oftar við afa og ömmu. Hringja í afa og ömmu“

„Einmanaleiki er vágestur. Allar þjóðir í Evrópu eru að glíma við þetta. „