fbpx
Föstudagur 25.september 2020
Fréttir

Bogi og Jóhannes sagðir hafa heimtað aðgerðir – Þess vegna var öruggu löndunum fjölgað

Ágúst Borgþór Sverrisson
Mánudaginn 10. ágúst 2020 20:25

Samsett mynd DV. Myndir af Boga og Jóhannesi: Fréttablaðið.

Ekki missa af Helstu tíðindum dagsins í pósthólfið þitt

Lesa nánar

Þeir börðu í borðið. Að minnsta kosti í óeiginlegri merkingu. Og Jóhannes sendi harðort skeyti á Þórdísi Kolbrúnu Reykfjörð Gylfadóttur ferðamálaráðherra þar sem hann krafðist aðgerða. Ríkisstjórnin fundaði og daginn eftir var ákveðið að ferðamönnum frá Danmörku, Noregi, Finnlandi og Þýskalandi yrði bætt á lista yfir þau lönd sem undanþegin væru skimum og sóttkví við komu til landsins.

Þetta er var nokkurn veginn atburðarásin ef marka má væntanlega bók Björns Inga Hrafnssonar um kórónuveirufaraldurinn. Björni Ingi birtir nýtt kaflabrot úr bókinni á vef sínum, Viljanum.

„Fundað var í stjórnkerfinu um þessa stöðu næsta dag, mánudaginn 13. júlí 2020, og þar kom fram mikill vilji til að mæta þörfum Icelandair í þessum efnum. Bæði var talið að félagið mætti ekki við efnahagslegum skakkaföllum á þessum tíma og síðan það að gjaldeyristekjur af þessum ferðamönnum væru eftirsóknarverðar og því brýnt að finna leið til að yfirstíga takmarkanir hvað snerti  skimunargetu.“

Þá segir frá harðorðum tölvupósti frá Jóhannesi Þór Skúlasyni, framkvæmdastjóra Samtaka ferðaþjónustunnar (SAF), um að gripið yrði til aðgerða til að liðka frekar fyrir innanlandsflugi. Sagði Jóhannes að þolinmæði sín væri á þrotum. Í bréfinu segir að afstaða SAF sé sú að ferðatakmarkanir séu óboðlegar og samtökin krefjist þess að stjórnvöld finni lausnir sem komi í veg fyrir að takmarka þurfi lendingar í KEF.

„Það er sem sagt rúmur mánuður frá því að við bentum fyrst á að þetta eru algerlega óboðleg vinnubrögð. Niðurstaða stjórnvalda er að hundsa þessar skýru ábendingar og valda tjóni á bæði orðspori og viðskiptahagsmunum,“ segir meðal annars í þessum harðorða tölvupósti.

Samkvæmt bók Björns Inga var allt sett á fullt í stjórnkerfinu til að bregðast við þessum kröfum og daginn eftir var ákveðið að bæta Danmörku, Noregi, Finnlandi og Þýskalandi á örugga listann.

Sjá nánar á Viljanum

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Eimskip borið þungum sökum – Tengd við „hættulegasta vinnustað heims“

Eimskip borið þungum sökum – Tengd við „hættulegasta vinnustað heims“
Fréttir
Í gær

Úti er hjólhýsa-ævintýri – 50 ára hjólhýsabyggð lokað

Úti er hjólhýsa-ævintýri – 50 ára hjólhýsabyggð lokað
Fréttir
Í gær

Höskuldur Þórhallsson meðal umsækjenda hjá Náttúrufræðistofnun

Höskuldur Þórhallsson meðal umsækjenda hjá Náttúrufræðistofnun
Fréttir
Í gær

Helgi undrast áhugaleysi lögreglu eftir innbrot og stórþjófnað – Grunar þjófaflokk um að láta barn skríða inn um gluggaboru

Helgi undrast áhugaleysi lögreglu eftir innbrot og stórþjófnað – Grunar þjófaflokk um að láta barn skríða inn um gluggaboru
Fréttir
Í gær

Nístandi fátækt hjá fólki í ferðaþjónustu – Hjón með 100 þúsund á mánuði

Nístandi fátækt hjá fólki í ferðaþjónustu – Hjón með 100 þúsund á mánuði
Fréttir
Í gær

Harðar nágrannaerjur á Arnarnesi – Ragnheiður Clausen vann dómsmál

Harðar nágrannaerjur á Arnarnesi – Ragnheiður Clausen vann dómsmál
Fréttir
Fyrir 2 dögum

Atvinnuglæpamenn að verki í vespumáli 13 ára drengs – Hjólahvíslarinn skarst í leikinn

Atvinnuglæpamenn að verki í vespumáli 13 ára drengs – Hjólahvíslarinn skarst í leikinn
Fréttir
Fyrir 2 dögum

Kristinn segir að erfiðleikar hafi verið í samskiptum við Jóhann – Sorgleg vinslit og óumflýjanlegur árekstur

Kristinn segir að erfiðleikar hafi verið í samskiptum við Jóhann – Sorgleg vinslit og óumflýjanlegur árekstur
Fréttir
Fyrir 2 dögum

Nafn mannsins sem fannst látinn í Breiðholti

Nafn mannsins sem fannst látinn í Breiðholti