Þórólfur Guðnason, sóttvarnarlæknir, hefur lagt til við heilbrigðisráðherra að breyta reglum um skimun á landamærum Íslands vegna COVID-19. Um er að ræða hertar ráðstafanir sem felst í því að íslenskir ríkisborgarar, og aðilar búsettir á Íslandi þurfa að velja um 14 daga sóttkví eða skimun. Heilbrigðisráðherra hefur fallist á tillögur Þórólfs.
Eins þurfa þeir sem velja skimun að fara aftur í skimun 4-5 dögum eftir komuna til landsins og sæta sóttkví á milli skimanna.
Breytingin kemur til framkvæmda ekki síðar en 13. júlí.
Í minnisblaði Þórólfs er tekið fram að reynslan af landamæraskimun hafi sýnt fram á hættu á því að einstaklingar sem hafi smitast nýlega beri með sér smit sem ekki greinist við landamæraskimun heldur komi fram síðar. Slíkt geti skapað áhættu á hópsmitum og þá sérstaklega í tilviki einstaklinga með útbreitt tengslanet hér á landi.
Undirbúningur þessar breytta fyrirkomulags er þegar hafinn. Ekki mun þurfa að greiða fyrir seinni sýnatökuna.