„Ég ætla bara að vera ég sjálfur og ég ætla ekki að vera neinn annar. Ég er ekki í einhverjum svona leikþætti.“
Rétt í þessu var að ljúka viðtali við Guðmund Franklín Jónsson, forsetaframbjóðanda, sem fram fór á RÚV. Guðmundur fór um víðan völl í viðtalinu. Hann hélt því meira að segja fram að hann myndi halda hlutverki Ólafas Ragnars Grímssonar áfram.
Þegar að Guðmundur var spurður út í skoðanir sínar á Bandaríkjaforseta, Donald Trump, sem hann hefur nokkrum sinnum lýst dálæti sínu á sagði hann:
„Ég dáist að Trump fyrir hversu staðfastur hann er. Ég dáist að honum fyrir það hvernig hann hefur tekið á efnahagslífinu í Bandaríkjunum. Mér er alveg sama hvernig greiðslan af honum er og ég mér alveg sama hvernig hann er á litinn. Ég dáist að því hann hefur staðið við kosningaloforð sín og samt er hann bara búinn að vera forseti núna í tæp fjögur ár.
Ég dáist að því hvað hann er búinn að vera duglegur. Hann er búinn að útrýma atvinnuleysi hjá svörtu fólki, hjá konunum og hjá ungu fólki. Það hefur aldrei verið betra efnahagslíf í Bandaríkjunum heldur en akkúrat núna þannig að hann er að gera einhverja hluti.“
Þegar að Guðmundur var spurður út í þau mál Trump sem siðferðisleg spurningarmerki hafa verið sett við svaraði hann:
„Það bara truflar mig ekkert. Ég horfi á það sem hann gerir og hugsa að svona vil ég að þingmennirnir okkar verði.“
Guðmundur hélt því fram að kosningarnar væru mjög spennandi. Hann sagðist meira að segja sigurviss þrátt fyrir að skoðanakannanir sýni fram á annað.“
„Ég held að fólk eigi eftir að vera alveg mjög undrandi þegar þegar líður á kvöldið. Ég held að þetta mun i fara í fimmtíu og þrjú fjörutíu og sjö“
„Ég ætla bara að undirbúa flutning á Bessastaði.“