Fjórir karlmenn voru handteknir á byggingasvæði í Garðabæ í gær. Fréttablaðið greinir frá þessu. Umrædd handtaka átti sér stað í vinnustaðaeftirliti lögreglu.
Allir mennirnir eru erlendir ríkisborgarar, en húsleitir hafa verið gerðar vegna málsins þar sem að fölsuð vegabréf fundust. Mennirnir voru færðir á lögreglustöð og yfirheyrðir.
Á vettvangi voru einnig höfð afskipti af tveimur öðrum mönnum sem voru hælisleitendur og ekki með heimild til vinnu.