Sig­mar Vil­hjálms­son, betur þekktur sem Simmi Vill, leit­ar að mörgu starfsfólki þessa dagana, eða 110-120 talsins. Frá þessu greinir Mbl.

Sigmar er að opna annars vegar MiniGarðinn, mini-golfvöll í Skútuvogi, og hins vegar annað útibú af veitinga- og sportbarnum Barion þar sem að Bryggjan brugghús var áður til húsa. Leitað er eftir 70 manns fyr­ir MiniG­arðinn og 40 til 50 manns á Bari­on.

Í viðtali við Mbl sagði Simmi að það væri gott að geta skapað störf á erfiðum tímum.

„Það er bara gam­an og já­kvætt að geta sett í gang verk­efni sem geta skapað vinnu á þess­um tím­um.“

Simmi virðist ekki hafa neinar sérstakar áhyggjur af áhrifum COVID-19 á starfsemina, en hann segir að staðirnir sínir hafi alltaf treyst fyrst og fremst á Íslendinga.

„Þetta er allt ætlað Íslend­ing­um þótt ferðamenn séu auðvitað vel­komn­ir en við erum hvorki í verði né áhersl­um að leggja áherslu á það að fá ferðamenn sér­stak­lega.“