Þórólfur Guðnason sóttvarnalæknir vottaði aðstandendum þeirra sem látist hafa af COVID-19 sjúkdómnum samúð sína á daglegum upplýsingafundi um COVID-19. Tveir létust á síðasta sólarhring, einn á Bolungarvík og einn á Landspítala í Reykjavík. Samtals hafa sex látist úr sjúkdómnum hér á landi, einn erlendur ferðamaður og fimm Íslendingar.
Sjötíu og sex greindust með smit á síðasta sólarhring. Sýnatökur voru óvenjumargar eða um 2.500. Sjö prósent sýna hjá veirufræðideildinni voru jákvæð en 0,9% sýna hjá Íslenskri erfðagreiningu.
Alls liggja 37 á spítala með sjúkdóminn, 35 á Landspítalanum og tveir á Akureyri. Í öndundarvél eru sjö.
Þórólfur segir að sjúkdómurinn sé í sama línulega vaxtarfasa og áður og í samræmi við spálíkan. Verði forvitnilegt að sjá hvort spáin um að toppi faraldursins verði náð í næstu viku muni rætist. Eftir það ætti að útbreiðsla veirunnar að vera á niðurleið.
Sjá tölfræði um kórónuveiruna á covid.is.
