Á upplýsingafundi almannavarnadeildar ríkislögreglustjóra í dag talaði Þórólfur Guðnason, sóttvarnarlæknir um notkun andlitsgríma, trefla, klúta eða tuskna fyrir vitin í verndarskyni við COVID-19.
Hann segir að það sé alls ekki ráðlagt að nýta slíkt. Það geti ýtt undir fals öryggi og jafnvel stuðlað að því að fólk fari ekki jafn vel eftir fyrirmælum yfirvalda, svo sem með tveggja metra regluna og annað.
„Við mælum alls ekki með þessari leið. Það getur gefið falska öryggiskennd og gæti jafnvel í sumum tilvikum aukið á sýkingarhættu.“
Í svari við fyrirspurn á fundinum sagði Þórólfur að hann myndi endurskoða þá ráðleggingar sýnt yrði fram á það með rökstuddum sannarlegum hætti að slíkar aðgerðir nái tilgangi sínum.
