Mánudagur 30.mars 2020
Fréttir

Hanna Katrín: „Úps, óheppileg niðurstaða“

Ritstjórn DV
Þriðjudaginn 25. febrúar 2020 09:30

Ekki missa af Helstu tíðindum dagsins í pósthólfið þitt

Lesa nánar

„Heilbrigðisráðherra hefur nú skellt í grein af minna tilefni,“ segir Hanna Katrín Friðriksson, þingmaður Viðreisnar, í aðsendri grein í Fréttablaðinu í dag. Grein Hönnu ber yfirskriftina: Úps, óheppileg niðurstaða.

Þar fjallar Hanna Katrín um niðurstöður þjónustukönnunar sem Sjúkratryggingar Íslands létu vinna undir lok síðasta árs um heilsugæsluna. Hanna Katrín veltir fyrir sér hvers vegna niðurstöður könnunarinnar hafi ekki verið kynntar um leið og þær lágu fyrir. Þegar niðurstöður könnunarinnar „láku í fjölmiðla“ hafi hið opinbera fjallað um þær.

Hanna Katrín segir:

„Það er merkilegt að niðurstöðurnar hafi ekki verið kynntar strax og þær lágu fyrir, enda sýna þær jákvæðar fréttir varðandi traust til heilsugæslunnar (74% aðspurðra) og ánægju með þjónustuna (79% aðspurðra). Heilbrigðisráðherra hefur nú skellt í grein af minna tilefni. En það var fleira bitastætt í könnuninni. Fréttir sem sannarlega eru ekki byr í segl þeirrar ríkisvæðingarstefnu sem núverandi ríkisstjórn rekur af fullum þunga.“

Þetta bitastæða sem Hanna Katrín nefnir er sú niðurstaða að sjálfstætt starfandi heilsugæslustöðvar hafi komið betur út en þær ríkisreknu. Um könnunina hafi verið þagað þunnu hljóði þar til fjölmiðlar komust í málið. Hanna Katrín bendir á að um 55 þúsund einstaklingar á höfuðborgarsvæðinu hafi valið sér þjónustu þeirra fjögurra sjálfstætt starfandi heilsugæslustöðva sem þar eru starfandi.

„Þessi hópur er greinilega ánægður með val sitt og það mætti því ætla að stöðvarnar nytu velvildar heilbrigðisyfirvalda. En það er ekki svo vel. Við búum því miður við stjórnvöld sem hafa unnið þannig að málefnum okkar opinberu heilbrigðisþjónustu að allt snýst um rekstrarform einstakra aðila. Þar sem sjálfstætt starfandi aðilar eru óæskilegur hluti kerfisins. Þar sem þjónustan sjálf, nýliðun og meðferð fjármuna er sett skör neðar en slagurinn við þann hluta heilbrigðisstétta sem vill nýta þekkingu sína og krafta í að skapa fjölbreytni og bjóða upp á nýsköpun.“

Hanna Katrín segir að sjálfætt starfandi heilsugæslustöðvar hafi borið skarðan hlut frá borði þegar kemur að fjármögnun. Það sé í orði en ekki á borði þegar fullyrt er að allar heilsugæslustöðvar séu fjármagnaðar eftir sama kerfi.

„Staðreyndin er að þær sjálfstætt starfandi bera skarðan hlut frá borði því heilbrigðisyfirvöld hafa sýnt töluverða útsjónarsemi í því að veita fjármagn fram hjá kerfinu inn í ríkisreknu stöðvarnar. Svo rammt kveður að þessu að Samkeppniseftirlitið beindi tilmælum til úrbóta til heilbrigðisráðherra haustið 2017 sem ekki hefur enn verið brugðist við þrátt fyrir pressu frá heilsugæslustöðvunum fjórum. Þeim er kannski nær að standa sig svona vel. Ríkisvæðingarstefna ríkisstjórnar VG, Sjálfstæðisflokks og Framsóknar lætur ekki að sér hæða.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Föst í óttafangelsi
Fréttir
Í gær

Útgöngubann í Paradís – „Þetta er  hundleiðinlegt til lengdar“

Útgöngubann í Paradís – „Þetta er  hundleiðinlegt til lengdar“
Fréttir
Í gær

Þetta er ástæðan fyrir því að Kári kallar COVID „heiðursveiruna“

Þetta er ástæðan fyrir því að Kári kallar COVID „heiðursveiruna“
Fréttir
Fyrir 2 dögum

Börnin tekin af föðurnum – Drykkjuskapur og sóðalegt húsnæði meðal ástæðna

Börnin tekin af föðurnum – Drykkjuskapur og sóðalegt húsnæði meðal ástæðna
Fréttir
Fyrir 2 dögum

Faraldurinn mun koma verst niður á Afríku

Faraldurinn mun koma verst niður á Afríku
Fréttir
Fyrir 2 dögum

Almannavarnir fá toppeinkunn hjá þjóðinni – Ánægja með viðbrögð við COVID-19

Almannavarnir fá toppeinkunn hjá þjóðinni – Ánægja með viðbrögð við COVID-19
Fréttir
Fyrir 2 dögum

Tala smitaðra komin upp í 890 – Sex eru í öndunarvél

Tala smitaðra komin upp í 890 – Sex eru í öndunarvél