Rúmlega sjötug kona sem sakfelld var fyrir að stinga tengdason sinn með hnífi í nóvember árið 2018 var í dag dæmd í fimm ára fangelsi í Landsrétti. Dómurinn var felldur um kl. 14 en er ekki kominn á vef dómstólanna. RÚV greinir hins vegar frá.
Héraðsdómur hafði áður dæmt konuna í fjögurra ára fangelsi og þyngdi Landsréttur því dóminn yfir henni.
Um það leyti sem glæpurinn var framinn var konan að passa barnabörn sín á meðan dóttir hennar var erlendis. Hún hefur ávallt neitað sök í málinu.
