Íranska unglingsdrengnum Maní Shahidi og fjölskyldu hans verður vísað úr landi þegar drengurinn útskrifast af Landspítalanum, samkvæmt upplýsingum frá lögmanni fjölskyldunnar. Þetta kemur fram á Vísir.is.
Að sögn lögmannsins hefur beiðni Útlendingastofnunar um að senda fólkið úr landi ekki verið afturkölluð. Brottflutningurinn hefur hins vegar tafist vegna andlegra veikinda Maní.
Fjölskyldan verður send til Portúgal þar sem hún mun væntanlega halda til í flóttamannabúðum. Óttast er að þar geti útsendarar íranskra yfirvalda haft hendur í hári þeirra. Heimilisfaðirinn hefur verið fangelsaður í Íran og beittur harðræði vegna andlegrar iðkunar hans sem yfirvöld telja að fari í bága við íslamska trú.
