Líkt og greint var frá í dag hefur MMA-bardagakappinn sem hefur verið mikið til umfjöllunar í fjölmiðlum í vikunni nú verið handtekinn. Myndbönd sem sýna ofbeldi og íkveikjur með mólatóv-kokteilum hafa dreifst um samfélagsmiðla undanfarna daga, en þau tengjast manninum samkæmt heimildum DV.
DV hefur fjallað mikið um myndböndin í þessari viku.
Ekkert lát á ofbeldismyndböndum bardagakappans – Lögregla rannsakar málið
Hér að neðan má sjá enn eitt myndbandið. Það er óskýrara en hin myndböndin, sökum þess að viðfangið er í myndbandsímtali á síma innan myndrammans. Á því má sjá þegar að tveimur mólatóvkokteilum er kastað í íbúðarhúsnæði. Á hljóðrás myndbandsins má heyra tal, en í lok þess heyrist rödd segja: „Þú færð þetta svo margfallt fokking borgað,“
DV – Eldsprengja upptaka from DV on Vimeo.
Fréttablaðið hefur einnig greint frá málinu. Þar kemur fram að húsið sem um ræðir sé á Freyjugötu, í Þingholtunum. Einnig kemur þar fram að áberandi ummerki séu á húsinu, allir gluggar séu brotnir, en heppilega hafi ekki kviknað í húsinu öllu.
