Öryrki á Íslandi lenti í slysi á unga aldri og hefur ekki náð fullum bata eftir það. Hann hefur sent miðlinum Trölla launaseðla sína nokkrum sinnum yfir árið til að vekja athygli á stöðu sinni.
Hann sér nú fram á hræðilegan desember mánuð.
„Á dögunum þegar ég var að elda kvöldmatinn sem samanstóð úr 2ja daga gömlum grjónagraut og hafragraut síðan um morguninn, hugsaði ég með mér að nú væri illt í efni.
Allar nauðsynjar hafa hækkað töluvert vegna styrkingu krónunnar og ég sé fram á algjöra hörmung í desember. Ég get einfaldlega ekki lifað og sé fram á að hátíðarmaturinn verði étinn úr eigin nefi.“
Í ljósi þeirrar umræðu sem hefur átt sér stað undanfarið um það sem gerðist á vistheimilinu Arnarholti og víða, hvað sagt verði um stöðu öryrkja á Íslandi eftir fimmtíu ár.
„Í ljósi þeirrar umræðu sem hefur verið undanfarið um meðferð vistmanna Arnarholts fyrir hálfri öld segir Svandís Svavarsdóttir heilbrigðisráðherra. “Mikilvægt er að komast til botns í hvað gerðist í Arnarholti og víðar, segir heilbrigðisráðherra. Frásagnir af þeirri meðferð sem vistmenn í Arnarholti sættu séu hræðilegar og átakanlegar. Ráðherra segist ætla að beita sér eins og henni sé unnt til að allt verði dregið fram í dagsljósið”.
Víst var þetta hræðileg og átakanleg meðferð sem vistmenn urðu fyrir. Ef rýnt er í söguna með nútímagleraugum eigum við ekki orð yfir hvernig svona gat viðgengst fyrir 50 árum.“
Hér má sjá launaseðil hans frá Tryggingastofnun fyrir nóvember 2020.
