Kristmann Eiðsson, þýðandi og kennari, er látinn, 84 ára að aldri. Sonur hans, Gauti Kristmannsson prófessor, tilkynnti um lát hans á Facebook: „Jæja, þá er hann farinn, fallinn fyrir veirunni skæðu. Söknuðurinn er mikill í allri fjölskyldunni,“ segir þar.
Lést Kristmann af COVID-19 á þrjðudagskvöld.
Kristmann stundaði háskólanám í íslensku en var lengst af enskukennari við Réttarholtsskóla. Hann var mikilvirkur þýðandi, einkum á sjónvarpstefni. Hann þýddi fræga leikna sjónvarpsþætti um Helför gyðinga, Holocaust. Þýðing hans á orðinu Holocaust sem „Helförin“ markar tímamót og er þar um að ræða nýyrði í íslensku.
DV sendir fjölskyldu og vinum Kristmanns Eiðssonar innilegar samúðarkveðjur.
