fbpx
Föstudagur 30.október 2020
Fréttir

Grunur um að NOVIS geti ekki staðið við gerða samninga – 5.000 íslenskir viðskiptavinir greiða 160 milljónir á mánuði

Kristján Kristjánsson
Fimmtudaginn 1. október 2020 07:51

Mynd: Fréttablaðið/Anton Brink

Ekki missa af Helstu tíðindum dagsins í pósthólfið þitt

Lesa nánar

Rökstuddur grunur er um að slóvakíska tryggingafélagið NOVIS hafi ekki fjárfest iðgjöld viðskiptavina sinna með fullnægjandi hætti. Um 5.000 Íslendingar eru í viðskiptum við félagið og greiða því um 160 milljónir á mánuði í iðgjöld.

Fréttablaðið skýrir frá þessu í dag. Fram kemur að athugasemdir hafi verið gerðar við sölu tryggingaafurða félagsins, bæði hér á landi og í Slóvakíu. Ungverska fjármálaeftirlagði bannað nýsölu afurða fyrirtækisins 2018. Fréttablaðið hefur eftir Unni Gunnarsdóttur, varaseðlabankastjóra fjármálaeftirlitsins að takmarkaðar heimildir séu til að grípa inn í starfsemi fyrirtækisins hér á landi.

„Eins og staðan er í dag getur verið viðkvæmt að skipta við félagið ef grunur Seðlabanka Slóvakíu (NBS) um að félagið fjárfesti ekki iðgjöld í samræmi við vátryggingarsamninga er á rökum reistur,“

hefur blaðið eftir Unni sem vísaði í frétt á vef Seðlabankans þar sem viðskiptavinum er bent á að huga að eigin réttarstöðu og setja sig í samband við félagið eða vátryggingarmiðlarann sem kom viðskiptunum á.

Seðlabanki Slóvakíu hefur rökstuddan grun um að NOVIS fjárfesti ekki iðgjöld vátryggingartaka í samræmi við skilmála vátryggingarsamninga en samkvæmt þeim á virði fjárfestinga að duga fyrir endurkaupvirði samninga ef til uppsagnar vátryggingartaka kemur. Endurkaupvirði er sú upphæð sem vátryggingartakar eiga rétt á ef þeir segja upp samningum.

NOVIS hefur verið bannað að selja nýjar tryggingar á meðan fjárfest iðgjöld eru lægri en endurkaupavirði. Fyrirtækinu hefur einnig verið gert að endurmeta í lok hvers mánaðar hvort það hafi fullnægt ákvæðum þeirra skilyrða og senda gögn til NBS þar um.

Fréttablaðið segist hafa heimildir fyrir að íslenskir viðskiptavinir félagsins hafi greitt því um eina milljón evra í iðgjöld á mánuði síðustu mánuði. Á ársgrundvelli eru þetta því hátt í tveir milljarðar króna.

Það er fyrirtækið Tryggingar og ráðgjöf sem er vátryggingarmiðlari NOVIS hér á landi. Umsvif þess jukust mikið þegar það hóf sölu á líftryggingarafurðum NOVIS í ársbyrjun 2018. 2016 og 2017 var velta fyrirtækisins um 60 milljónir á ári en var 850 milljónir 2018. 100 milljónir voru þá greiddar í arð en hagnaðurinn var 112 milljónir.

Fjármálaeftirlitið gerði athugun á viðskiptaháttum Trygginga og ráðgjafar 2018 í tengslum við sölu á afurðum NOVIS. Þá var niðurstaðan að væntanlegum viðskiptavinum væru veittar rangar og misvísandi upplýsingar með tilliti til samanburðar. Upplýsingar og þóknanir voru ekki kynntar með fullnægjandi hætti né upplýsingar um áhættu afurðanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Lést af COVID-19

Nýlegt

Fréttir
Fyrir 21 klukkutímum

Sauð upp úr fyrir utan Hvítahúsið Sportbar – Kallaður skítugur smurolíukarl

Sauð upp úr fyrir utan Hvítahúsið Sportbar – Kallaður skítugur smurolíukarl
Fréttir
Fyrir 23 klukkutímum

Sveinn segir máli sínu og Skúla lokið eftir dóm Hæstaréttar – Sviðin jörð að baki

Sveinn segir máli sínu og Skúla lokið eftir dóm Hæstaréttar – Sviðin jörð að baki
Fréttir
Fyrir 23 klukkutímum
Lést af COVID-19
Fréttir
Í gær

„Allar líkur á bóluefni í byrjun næsta árs“ – 9 bóluefni nú á lokastigi þróunar

„Allar líkur á bóluefni í byrjun næsta árs“ – 9 bóluefni nú á lokastigi þróunar
Fréttir
Í gær

Kári um ástandið og Þórólf: „Við höfum ekki fortíðina í höndum okkar“

Kári um ástandið og Þórólf: „Við höfum ekki fortíðina í höndum okkar“
Fréttir
Fyrir 2 dögum

Víðir boðar hertar aðgerðir – „Við lítum þetta mjög alvarlegum augum“

Víðir boðar hertar aðgerðir – „Við lítum þetta mjög alvarlegum augum“
Fréttir
Fyrir 2 dögum

Íslendingar samtals eytt um 1.700 árum í sóttkví

Íslendingar samtals eytt um 1.700 árum í sóttkví