„Er það bara ég, eða er þessi auglýsing viðbjóður?“ spurði kona nokkur og deildi auglýsingunni í hópinn. „Hvað er svona mikill viðbjóður við hana?“ spyr önnur kona þá. Sú sem deildi færslunni svarar því og segir að auglýsingin sé með „mjög kynferðislegan undirtón“ og að „fyrirsætan líti út fyrir að vera 13 ára“.
Ekki eru allir í hópnum sammála því að auglýsingin sé kynferðisleg. „Ég sé ekkert kynferðislegt við hana, bara alls ekki,“ segir ein kona og önnur segir að henni finnist ekkert vera að þessari mynd. „Kona um tvítugt, ekkert neitt sérstaklega kynferðislegt.“
Þá blandar Alexandra Briem, borgarfulltrúi Pírata, sér inn í umræðuna. „Tja, ég að minnsta kosti sé ekkert sérstaklega skrítið við hana,“ segir Alexandra.
Kona ein hefur ekki mikið út á myndina sjálfa að setja en er þó ekki hrifin af auglýsingaherferðinni sem hún er hluti af. „Þessi auglýsingaherferð er svo boring að ég hef verið að hugsa um að hætta að drekka kristal í mótmælaskyni. En ég sé ekkert viðbjóðslegt við þessa mynd. Eiginlega bara frekar kúl.“
Hér fyrir neðan má sjá skjáskot af auglýsingunni sem um ræðir:
