Alama D. Möller, Landlæknir biðlaði til þjóðarinnar á upplýsingafundi Almannavarna að halda áfram að vera á varðbergi og fylgja tilsettum reglum. Hún sagði að þó að ástandið virtist vera að batna þá væri ekki hægt að draga ályktanir strax.

„Staðan er þannig að það eru enn þá að greinast smit, tengd þeim smitum sem fyrir eru. Sem betur fer eru tilfellin fá síðustu dag og fleiri verið í sóttkví við greiningu. Samt er enn þá varhugavert að draga ályktanir eftir sveiflum á milli daga,“

„Við hvetjum fólk áfram til að vera á varðbergi og hafa samband án tafar. Ef það er með einkenni sem samræmast COVID-19,“

Hún sagði að augljóst að margir virðist vera orðnir þreyttir á samkomutakmörkunum og tveggja metra reglunni. Hún sagði að það gengi ekki, við þyrftum að hafa úthald.

„Það er ljóst að það gætir þreytu hjá mörgum í því að fylgja reglum og leiðbeiningum. Það þýðir ekki. Við verðum að hafa úthald. Reglur eru í gangi sem fólk þarf að fara eftir. Það er mikil umræða í samfélaginu um hvernig við eigum að halda áfram aðgerðunum og það er vel. Það er ljóst að það þarf að vega og meta fjölda þátta þar inn,“

Að lokum bað Alma um að fylgja reglunum. Það væri leiðin til að stöðva smit og veiruna, sem væri jú markmiðið.

„Við biðlum áfram til allra að fara eftir þeim reglum sem settar eru: virða fjöldatakmarkanir, smitvarnir og tveggja metra regluna. Við verðum að ná tökum á þessari veiru og leiðin til þess er að við förum öll eftir þessum leiðbeiningum,“