Ragnar Freyr Ingvarsson, læknirinn sem stýrir göngudeild COVID á Landspítala, vill að Íslandi láti af skimunum við COVID-19 á landamærunum. Skimanir séu sói á tíma og almannafé.

„Það er furðuleg hugmynd að Landspítalinn taki að sér að skima fríska ferðamenn við landamæri. Hvað er næst, að við sinnum þrifum í Smáralind?,“ spyr Ragnar á Facebook.

Hann segir skimun við landamæri ekki í samræmi við þá þekkingu sem íslenska heilbrigðiskerfið hafi aflað sér um COVID-19 sjúkdóminn á undanförnum mánuðum. Ferðamenn hreinlega smiti ekki það mikið að það réttlæti fyrirferðamiklar skimanir.

„Ferðamenn virðast ekki smita að neinu ráði. Væri það staðreyndin þá væru tilfelli að dúkka upp hér og þar í samfélaginu. Ég dreg alltént þá ályktun að það sé óþarfi að skima þá. Og kostar fúlgu fjár.“

Íslendingar sjálfri, einkum þeir sem hafi stórt tengslanet, eru þeir sem skapi mestu smithættuna. Það sé alveg ljóst.  Flestir sem smitist af COVID-19 sýni einkenni 4-5 dögum eftir smit. Einstaka tilfelli fari þó yfir það. Því væri eðlilegra að beita stuttri sóttkví við komuna til landsins, frekar en að skima.

„Við myndum ná langstærstum hluta með 5 daga sóttkví og skimun þá eða lengri sóttkví fyrir þá sem ekki vilja skimun eða reynist jákvæðir.

Það að LSH verji milljörðum í skimanir er augljós sóun á almannafé!“