Eldur kviknaði í íbúðarhúsnæði við Hafnarstræti á Akureyri í kvöld. Allt tiltækt slökkvilið bæjarins var kallað út. Frá þessu greinir RÚV. Mikill reykur kemur frá húsinu og svo virðist vera að um töluverðar skemmdir sé að ræða.
„Það er svart ský yfir Akureyrarbæ,“ sagði fjölmiðlakonan Snæfríður Ingadóttir í samtali við DV rétt í þessu, en hún er á staðnum. Hún segir að sem betur fer sé engin vindur þar sem að Hafnarstræti sé eitt elsta hverf í bæjarins og mikið sé um timburhús í nágrenni við eldsvoðann.
„Það logar enn þá og maður sér alveg logana.“
Margir slökkviliðsmenn eru að störfum. Hún sagði að nú væru þeir að rífa þakið af húsinu til að komast nær loganum, sem er innandyra.
DV náði hvorki sambandi við lögregluna né slökkviliðið við vinnslu þessarar fréttar.
UPPFÆRT
Samkvæmt frétt RÚV er einn alvarlega slasaður.
Lögreglann á Norðurlandi eystra staðfestir að maður sé nú í aðhlynningu á sjúkrahúsi. Ekki kemur meira fram um alvarleika slyssins á honum eða önnur afdrif.
Einnig kemur fram í færslunni að um sé að ræða tveggja hæða timburhús á steyptum kjallara, eitt af eldri húsum bæjarins, byggt 1903.
