Á meðfylgjandi myndum má sjá stöðuna í verslun Hagkaupa í Skeifunni, þá einkum í grænmetisdeildinni núna í morgun um níu leytið, en þar var nokkuð tómlegt um að litast.
Í samtali við blaðamann sagði starfsmaður að stöðuna megi rekja til takmarkanna á innflutning og aukinnar sölu.
En geta ástæðurnar verið fleiri? Þessi tiltekna verslun er opin allan sólarhringinn. Neytendur í dag nýta sér margir slíkar verslanir til að geta verslað utan álagstíma, þegar minna er að gera og því smithætta minni. Sú gula hefur látið sjá sig undanfarna daga og því margir að líkindum búnir að draga fram grillið og fólk er almennt frekar farið að hætta sér í matvöruverslanir sökum rénunar COVID-19 hér á landi. Svo eru líklega margir farnir að huga að heilsunni og mataræðinu og sækja því frekar í grænmetið.
Á dögunum komst ársgömul frétt um Karl G. Kristinsson, prófessor og yfirlæknir á sýkla- og veirufræðideild Landspítalans, aftur á flug á samfélagsmiðlum. Karl greindi frá því á síðasta ári að hann sneiði hjá innfluttu grænmeti. Íslenskt grænmeti hafi algjöra sérstöðu vegna lítillar notkunar sýklalyfja í landbúnaði og lágs hlutfalls sýklaónæmis.
Miðað við stöðuna í Hagkaup í dag vaknar þó spurningin hvort innlent grænmeti ráði hreinlega við eftirspurn
