Kristján Loftsson, stjórnarformaður HB Granda og forstjóri Hvals hf., og eiginkona hans, Auðbjörg Steinbach, er sýkt af COVID-19 veirunni alræmdu.
Stutt er síðan þau smituðust og kom það upp hérlendis. Kristján er meðal allra ríkustu íslendinga en hvalveiðar hans hafa löngum þótt umdeildar.
Samtals hafa 103 einstaklingar verið greindir hér á landi. 80 smit tengjast ferðum erlendis en 23 eru innanlandssmit. DV náði tali af Auðbjörgu, sem staðfestir smitið. Hún ber sig vel þrátt fyrir aðstæður.
Að sögn Auðar fékk hún smitið frá vinkonu sinni sem er nýkomin heim úr skíðaferð erlendis. Auðbjörg fullyrðir að henni líði ágætlega að svo stöddu hvað heilsuna varðar og hefur ekki fundið fyrir merkjum um helstu einkenni.
„Ég hef svo mikla trú á þessu liði hjá okkur. Það eru allir rökfastir og það er svo gott eftirlit hjá þeim. Það er hringt daglega og fylgst með. Ég veit ekki hvernig hægt væri að hafa það betra,“ segir Auðbjörg.
