Lögreglustjórinn á Suðurnesjum hefur biðlað til íbúa í Reykjanesbæ að tilkynna til Neyðarlínunnar í síma 112, eða hér í gegnum Facebook, verði þeir varir við grunsamlegar mannaferðir að næturlagi.
Þessi tilkynning birtist á Facebook-síðu lögreglu vegna einstaklings sem hefur verið að fara inn í heimahús og bílskúra á svæðinu.
„Íbúar eru sérstaklega hvattir til að læsa öllum hurðum, bifreiðum og geymslum. Ef fólk er með eftirlitsmyndavélakerfi við hús sín þá biðjum við ykkur endilega um að renna í gegn um efnið og kanna hvort að eitthvað sé þar að finna sem getur aðstoðað okkur við leitina. Meðfylgjandi eru myndir sem náðust úr öryggismyndavélakerfi af aðilanum.“
