Mjög hvasst hefur verið í Vestmannaeyjum í nótt. Vindur hefur mælst 43 m/s og allt að 57 m/s í hviðum. Lögreglan hefur sinnt að minnsta kosti 14 foktilkynningum.
Vísir.is hefur eftir Páleyju að alvarlegasta verkefnið hafi verið þegar þak losnaði „nánast í heilu lagi“ af húsi. Einnig er haft eftir henni að vindáttin sé ekki eins slæm og í óveðrinu í desember en þá var norðvestan átt en nú er austanátt.
