Margmiðlunarfyrirtækið Gagarín vann nýlega til tvennra alþjóðlegra verðlauna fyrir margmiðlunarsýningu í Gestastofunni á Hakinu á Þingvöllum. Frá þessu segir á vef Framkvæmdasýslu ríkisins og þar segir um verðlaunin:
Red dot verðlaunin hafa verið veitt af hönnunarmiðstöðinni í Westfalen í Þýskalandi árlega frá árinu 1955. Verðlaunin eru veitt fagfólki í hönnun sem þykir hafa sýnt framúrskarandi árangur með verkum sínum. Verðlaunin eru meðal virtustu hönnunarverðlauna heims.
Hönnuðir Gagarín fengu verðlaun í tveimur flokkum, fyrir notendaupplifun og viðmót – og fyrir upplýsingahönnun. Sýningunni er ætlað að kynna almenning á 21. öldinni fyrir þungamiðju Þingvalla í íslenskri sögu og náttúrufari.
