Lögreglan á höfuðborgarsvæðinu hafði afskipti af karlmanni sem var að brenna rusl á lóð sinni í Hafnarfirði skömmu eftir miðnætti.
Í dagbók lögreglu kemur fram að lóðin sé lokuð með hárri girðingu og vildi maðurinn ekki hleypa slökkviliði og lögreglu að eldinum. Var hann ósáttur við að lögregla og slökkvilið væru að skipta sér af.
Að lokum fór svo að slökkviliðið náði að sprauta vatni á eldinn og sá maðurinn sjálfur um að slökkva í glæðunum.
