Nokkuð harður árekstur varð við verslun N1 á gatnamótum Hringbrautar og Njarðargötu á þriðja tímanum í dag. Þar skullu saman tvær bifreiðar.
Eins og meðfylgjandi mynd ber með sér varð talsvert tjón á báðum bílunum. Tveir sjúkrabílar og slökkviliðsbíll voru sendir á vettvang.
Litlar upplýsingar var að fá um slysið hjá slökkviliðinu aðrar en þær að tveir hafi verið fluttir á slysadeild. Meiðsli þeirra eru ekki talin alvarleg.