Stjarnan sló í kvöld út ÍR í undanúrslitum bikarkeppninnar í körfubolta. Það er þó ekki það fréttnæmasta við leikinn heldur hitt að heiftarleg slagsmál brutust út á meðan leiknum stóð á milli stuðningsssveita liðanna, Silfurskeiðarinnar (Stjarnan) og Ghetto Hooligans (ÍR). Menn hikuðu ekki við að slá hvort anna með krepptum hnefa í andlitið en öryggisverðir reyndu af veikum mætti að stilla til friðar.
Fjallað er um málið á vefnum karfan.is og þar eru birtar margar ljósmyndir af átökunum, meðal annars hnefahöggum. Athygli vekur að stuðningssveitirnar sátu hlið við hlið í höllinni, gekk á með hörðum orðaskiptum milli þeirra uns upp úr sauð og menn létu hnefana tala. Afar óvenjulegt er að stuðningsmenn beiti hvor annan líkamlegu ofbeldi á íslenskum kappleikjum þó að ýmis orð séu látin fjúka.
Það er ?HITI? #korfubolti #geysisbikarinn pic.twitter.com/BAOcPIolw6
— Ólafur Þór Jónsson (@olithorj) 14 February 2019
