Lögreglan á höfuðborgarsvæðinu rannsakar nú mannslát en á þriðja tímanum í dag barst beiðni um aðstoð frá austurborginni þar sem karlmaður hafði fallið fram af svölum. Þetta kemur fram í tilkynningu frá lögreglu.

Maðurinn var fluttur á Landspítalann en þar var hann úrskurðaður látinn. Lögreglan hefur handtekið fimm vegna rannsóknarinnar en hún er á frumstigi. Lögreglan segir að hinn látni hafi verið erlendur ríkisborgari sem og þeir fimm sem eru nú í haldi lögreglu. Í frétt Vísis um málið kemur fram að atvikið hafi átt sér stað í Úlfarsárdal í dag og að þar hafi verið mikill viðbúnaður í kjölfarið.