Hlutfall náttúrufræðigreina af heildarkennslu unglinga er minnst hér á landi miðað við samanburðarlönd. Þetta kemur fram á vef Menntamálastofnunar sem birtir upplýsingarnar í tengslum við niðurstöður PISA-könnunarinnar sem kynntar voru í gær.
Í fréttinni segir að frammistaða íslenskra nemenda á sviði læsis á náttúruvísindi lökust meðal Norðurlandanna og talsvert fyrir neðan meðaltal OECD ríkja.
„Hérlendis skipa náttúruvísindin 8,1% af viðmiðunarstundaskrá unglingastigs grunnskóla. Sambærilegar tölur fyrir ríki sem við berum okkur saman við eru ýmist nokkru eða miklum mun hærri,“ segir í fréttinni.
Bent er á það að hlutfallið sé 9,5% í Noregi, 10,6% í Svíþjóð, 13,3% í Danmörku, 16,5% í Finnlandi og 21,3% í Eistlandi. Eistneskir nemendur koma enda best út samkvæmt niðurstöðum PISA en Ísland er í 29. sæti.
