Lögreglan á höfuðborgarsvæðinu greinir frá gulri viðvörum Veðurstofu fyrir höfuðborgarsvæðið fyrir hádegi á morgun.
Þá er gert ráð fyrir suðaustan 18-23 metrum á sekúndu og rigningu. Möguleiki er á sviptivindum í efri byggðum og við háar byggingar.
„Fólk er hvatt til að sýna aðgát og ganga vel frá lausum munum til að forðast tjón. Lægir svo til um kvöldið og dregur úr úrkomu.
Einnig viljum við beina þeim tilmælum til verktaka að ganga vel frá byggingar og framkvæmdasvæðum sem þeir bera ábyrgð á og girðingum í kringum þau.“
