fbpx
Miðvikudagur 12.ágúst 2020
Fréttir

Samherjamálið ratar í heimspressuna: Ásakanir um mútur valda skjálfta á Íslandi og í Namibíu

Ágúst Borgþór Sverrisson
Laugardaginn 16. nóvember 2019 11:08

Ekki missa af Helstu tíðindum dagsins í pósthólfið þitt

Lesa nánar

Ásakanir um mútur vegna fiskveiðiréttinda valda skjálfta á Íslandi og í Namibíu, segir efnislega í fyrirsögn breska stórblaðsins Guardian þar sem farið er yfir Samherjamálið. Segir þar að samkvæmt umfjöllun íslenskra fjölmiðla (Kveikur og Stundin) upp úr hinum svokölluðu Fishrot-skjölum á Wikileaks hafi Samherji greitt namibískum áhrifamönnum um einn milljarð íslenskra króna í mútur á tímabilinu 2011 til 2018 til að tryggja sér fiskveiðikvóta við strendur Namibíu.

Þá segir að samkvæmt skjölunum hafi Samherji flutt andvirði um 54 milljóna punda af tekjum af fiskveiðum við strendur Namibíu til skattaskjóla.

Rætt er um viðkvæma stöðu Kristjáns Þórs Júlíussonar sjávarútvegsráðherra sem sé fyrrverandi stjórnarformaður Samherja og lífstíðarvinur Þorsteins Más Baldvinssonar forstjóra Samherja. Sé þrýstingur á ráðherrann um að segja af sér.

Þá er sagt að namibískir ráðherrar sem viðriðnir eru málið hafi verið reknir og Þorsteinn Már hafi stigið til hliðar úr starfi sínu hjá Samherja. Sjálfstæðisflokkurinn er í greininni sagður hafa kennt ríkjandi menningu spillingar í Namibíu um múturnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni