Umfangsmikil bilun kom upp í farsímakerfi Nova sem lýsti sér upphaflega þannig að ekki var hægt að komast á internetið í farsímanum. Smám saman átti umrædd bilun einnig við um viðskiptavini erlendis ásamt heimabúnaði eins og borðtölvum og netbeinum.

Í tilkynningu frá netþjónustufyrirtækinu kemur fram að unnið hefur verið hörðum höndum að því að koma öllu í lag og biðjast aðstandendur velvirðingar á óþægindunum.

Tæpum klukkutíma síðar fór kerfið aftur í lag og voru viðskiptavinir þakklátir fyrir skjót viðbrögð af ummælum við tilkynninguna að dæma. „Vandamálið er nú leyst,“ segir á samfélagsmiðlum Nova.