Mikill styrr hefur staðið um fyrirhugaða lokun Kelduskóla og sameiningu grunnskóla í Grafarvogi og eru margir foreldrar mjög mótfallnir áformunum. Snemma í fyrramálið, frá klukkan 07:50 til 08:30 eru fyrirhuguðu friðsöm mótmæli gegn lokun Kelduskóla.
Á Facebook-síðu viðburðarins er þessi lýsing á aðgerðunum:
Þriðjudaginn 12.11.2019 ætlum við að mótmæla á friðsamlegan hátt fyrirhuguðum breytingum á skólahaldi í norðanverðum Grafarvogi og lokun Kelduskóla.
Á milli klukkan 07:50 – 08:30 ætlum við öll að setjast upp í bílana okkar og keyra sem leið liggur (á öruggum hraða) frá hringtorginu við Bláu sjoppuna, upp í Kelduskóla Vík og þaðan upp í Vættaskóla Engi. Svo aftur niður að hringtorgi og annan hring. Með þessu sínum við hve mikið umferð og mengun mun aukast ef þessar breytingar ná framgangi.
Hvetjum einnig þá sem vilja taka þátt að setja upp skilti á þessari leið þar sem við mótmælum áformum og hengjum t.d. á ljósastaura eða stöndum með þau. Það er von á fréttamönnum að fjalla um málið.
Hvet alla sem vilja og geta að mæta og styðja, íbúar, foreldrar og að sjálfsögðu eru afar og ömmur einnig velkomin. Breytingin mun hafa áhrif á fleiri en bara börn og foreldra.
Aðgerðin mun standa til 08:30
Fjölmennum og sendum skýr skilaboð!
Leiðin sem mótmælendur ætla að aka er merkt inn á kort inni á Facebook-síðunni