Domino‘s Pizza Group, eigandi Domino‘s á Íslandi, hefur í hyggju að selja reksturinn hér á landi frá sér. Þetta kemur fram á vef Viðskiptablaðsins sem vitnar í ársfjórðungsuppgjör Dominos Pizza Group.
Í fréttinni kemur fram að svokölluð „like-for-like“ sala hafi dregist saman um 8,2 prósent á Íslandi og sala um 1 prósent. Eru ástæðurnar fyrir þessu sagðar vera veikur markaður og samdráttur í ferðaþjónustu.
Domino‘s Pizza Group hefur sérleyfisrétt á rekstri Domino‘s í mörgum löndum; Bretlandi, Írlandi, Sviss og Liectenstein svo dæmi séu tekin og ráðandi hlut á Íslandi, í Noregi og Sviss.
David Wild, forstjóri félagsins, segir að þó að markaðirnir séu áhugaverðir sé Domino‘s Pizza Group mögulega ekki besti eigandi þeirra. Í frétt Viðskiptablaðsins segir að félagið hafi einnig í hyggju að selja hlut sinn á hinum Norðurlöndunum.
