Maður sem sat í gæsluvarðhaldi í tengslum við atvik í Breiðholti er konu var hrint fram af svölum hefur verið látinn laus. Maðurinn var handtekinn mánudagskvöldið 16. september, kvöldið sem atvikið átti sér stað. Konan var flutt alvarlega slösuð á sjúkrahús. Maðurinn var  úrskurðaður í fjögurra vikna gæsluvarðhald.

Að sögn Margeirs Sveinssonar, aðstoðaryfirlögregluþjóns hjá miðlægri rannsóknardeild Lögreglunnar á höfuðborgarsvæðinu, var ekki talin ástæða til að fara fram á lengra gæsluvarðhald hvað rannsóknarhagsmuni varðar. Aðspurður sagði Margeir að rannsókn málsins stæði enn fyrir en vildi engu svara um það hvort maðurinn væri enn grunaður um árás á konuna.