Tvær þyrlur frá Landhelgisgæslunni voru kallaðar út á öðru tímanum í dag vegna alvarlegs umferðarslyss á Snæfellsnesi nærri bænum Gröf við Keifá. Mbl.is greinir frá.
Ásgeir Erlendsson, upplýsingafulltrúi Landhelgisgæslunnar, sagði í samtali við mbl að önnur þyrlan sé komin á slysstað með tvö bráðatækna frá slökkviliðinu og hin þyrlan sé á leiðinni.
Uppfært: 15:22
Samkvæmt slökkviliði eru fimm alvarlega slasaðir eftir slysið. Samkvæmt frétt Vísis telur slökkvilið að bifreið hafi farið út af vegi, tekið nokkrar veltur og fólk jafnvel kastast út úr bifreiðinni.