fbpx
Miðvikudagur 20.mars 2019

DV - Frjáls og óháður miðill

Fréttir

Hallur svarar fyrir sig og vísar til „glæpa glóbalista“: „Þeir höfðu uppi svívirðingar um mig“

Hjálmar Friðriksson
Miðvikudaginn 9. janúar 2019 13:44

Ekki missa af Helstu tíðindum dagsins í pósthólfið þitt

Lesa nánar

Hallur Hallsson furðar sig á viðbrögðum fjölda þjóðþekktra manna við aðsendri grein hans í Morgunblaðið. Líkt og DV greindi frá í gær þá tjáði fjöldi núverandi og fyrrverandi stjórnmálamanna og fjölmiðlamanna sig um pistilinn á Twitter. Nær allir ýmist sögðu Hall veikan á geði, gerðu grín að pistlinum eða gagnrýndu hann harðlega.

Hann hefur undanfarið verið iðinn við ýmis ritstörf, skrifaði fyrrnefndan pistil í Morgunblaðið auk greinar í nýjasta tölublað Þjóðmála. Auk þess var hann fyrsti gestur Hrafnaþings í sjónvarpi Mbl á dögunum.

Hallur vakti athygli DV á stöðufærslu sem hann skrifaði um málið en þar vísar hann til „glæpa glóbalista“ og ýmsa samsæriskenninga sem hann telur að megi rekja til hópsins. „Glóbalistar eru hundfúlir með grein mína í Mogga um helgina. Þeir höfðu uppi svívirðingar um mig og skömmuðu Mogga fyrir að birta greinina. Af hverju þessi stóryrði?,“ skrifar Hallur.

Sjá einnig: Fjöldi þjóðþekktra ýmist fordæmir Hall eða hefur áhyggjur af geðheilsu hans

Hann segir þennan hóp glæpahyski. „Herréttarhöld eru hafin í Bandaríkjunum. Sérstakur saksóknari hefur gefið út tugi þúsunda „sealed indictments“ innsiglaðra ákæra á hendur glæpahyski vegna glæpa sem tengjast glóbalisma. Hvers vegna hrundu Tvíburaturnarnir eftir sprengingar í grunnum þeirra 9/11/01 og hvers vegna hrundi þriðji turninn án þess að farþegaþota flygi á hann? Af hverju rannsakar „Grand-Jury“ í USA hrun Tvíburaturnanna? Hvað er breytt í Ameríku? Hvað er Deep State? Hvað er Federal Reserve? Hverjir eiga FR?,“ segir Hallur.

Hallur telur George Bush eldri hafa haft óhreint mjöl í pokahorninu. „Var George Bush eldri tekinn af lífi fyrir landráð þann 30. nóvember sl? John McCain? Hvað var Bush (CIA) að gera í Dallas 22. nóvember 1963 þegar John F. Kennedy var skotinn til bana? Af hverju minnisleysi Bush um dvöl sína í Dallas? Hvað var CIA að gera í Dallas? Hvað vissi Lyndon Johnson? Af hverju fannst Bush morðið á Kennedy fyndið? Hvað sagði gamli Bush um New World Order? Hverjir myrtu Martin Luther King? Af hverju skældi George Bush í útför föður síns? Hvað afhenti fbi-agentinn honum? Tengdist það ákæru um landráð fyrir að hylma yfir samsæri glóbalista um Tvíburaturnana?,“ spyr Hallur.

Hann telur marga helstu fjölmiðla vesturlanda vera samseka í þessu samsæri: „Hver stóð á bak við banatilræði við Ronald Reagan í mars 1981? Fyrir hverjum var Reagan? Hver hafði þá stýrt CIA í 13 ár? Hvers vegna hrapaði flugvél JFK jr í júlí 1999? Hver hagnaðist? Hvers vegna var Seth Rich myrtur í júlí 2016? Hvers vegna styðja CNN, WAPO, NYT og helstu fjölmiðlar Ameríku og heims glóbal opin landamæri Open Society Foundation … Sky, FT, Spiegel? Hverjir eiga þessa fjölmiðla? Hverjir ráða evrópskum ríkismiðlum? Hvers vegna þegja falsmiðlar um glæpi glóbalisma? Hvernig leikur glóbalismi alþýðu Vesturlanda? Hvers vegna þessi þögn um mansal, barnaníð, peningaþvætti?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Grimmd öldunga í Kringlunni – Þórgný brugðið: „Kölluðu hann öllum illum nöfnum“

Grimmd öldunga í Kringlunni – Þórgný brugðið: „Kölluðu hann öllum illum nöfnum“
Fréttir
Í gær

Sturluð græðgi í Kópavogi: „Hvers konar manneskja ertu að leigja þetta?“

Sturluð græðgi í Kópavogi: „Hvers konar manneskja ertu að leigja þetta?“
Fréttir
Í gær

Veitingastaðurinn Þrír frakkar lækkaði verðið um 30% – Gestunum fjölgaði um 30% – Kenning Þórarins í IKEA hefur sannað sig

Veitingastaðurinn Þrír frakkar lækkaði verðið um 30% – Gestunum fjölgaði um 30% – Kenning Þórarins í IKEA hefur sannað sig
Fréttir
Í gær

Óskað eftir brjóstamjólk að gjöf fyrir veikt barn í Reykjavík – Er þetta blekking ein? Vaxtaræktarfólk og lyftingafólk sækir í brjóstamjólk

Óskað eftir brjóstamjólk að gjöf fyrir veikt barn í Reykjavík – Er þetta blekking ein? Vaxtaræktarfólk og lyftingafólk sækir í brjóstamjólk
Fréttir
Fyrir 2 dögum

Íslendingur tekinn með amfetamínbasa: Situr í gæsluvarðhaldi

Íslendingur tekinn með amfetamínbasa: Situr í gæsluvarðhaldi
Fréttir
Fyrir 2 dögum

Tveir á sjúkrahús eftir bílveltu

Tveir á sjúkrahús eftir bílveltu