Ökumaður, sem var stöðvaður í Breiðholti í nótt reyndist vera sviptur ökuréttindum og er grunaður um að hafa verið undir áhrifum fíkniefna. Bifreið hans reyndist vera með röng skráningarmerki og meint fíkniefni fundust á ökumanninum.

Lögreglan hafði afskipti af tveimur öðrum ökumönnum í Breiðholti í nótt. Annar þeirra reyndist aldrei hafa öðlast ökuréttindi en hinn reyndist vera sviptur ökuréttindum og var um ítrekað brot hans að ræða gegn þeirri sviptingu.

Í miðborginni var einn ökumaður stöðvaður fyrir að aka á móti rauðu ljósi og reyndist hann aldrei hafa öðlast ökuréttindi. Á honum fundust meintir sterar.