fbpx
Þriðjudagur 18.júní 2019

DV - Frjáls og óháður miðill

Silfur Egils

Töffarinn Dagfinnur

Fréttir

Hildur Lilliendahl segir að Jón Baldvin sé eitthvað miklu meira og verra en dónakarl

Ágúst Borgþór Sverrisson
Laugardaginn 12. janúar 2019 11:55

Ekki missa af Helstu tíðindum dagsins í pósthólfið þitt

Lesa nánar

Hildur Lilliendahl segist aðeins sjá eftir einu varðandi umfjöllun sína um ásakanir á hendur Jóni Baldvini Hannibalssyni: Að hafa bara kallað hann dónakarl. Hún hefði fremur átt að kalla hann predator – eða rándýr.

Hildur minnist þess er hún barðist hatrammlega gegn því að Jón Baldvin yrði ráðinn til kennslu við Háskóla Íslands í skugga ásakana frænku hans um að hann hefði skrifað henni klámfengin bréf er hún var mjög ung, auk annarrar áreitni.

Hildur telur það með ólíkindum hvað Jón Baldvin er iðinn við að troða sér fram í sviðsljósið þrátt fyrir stöðugar sögur og umfjallanir um meinta kynferðislega áreitni. Pistill Hildar um málið á Facebook er eftirfarandi:

Í Stundinni í dag stíga fram allskonar hugrakkar konur og lýsa hálfrar aldar kynferðisofbeldisferli þessa skítseiðis og dyggri aðstoð eiginkonu hans við afsakanir, réttlætingar, yfirhylmingar og áframhaldandi ofbeldi.

Á sínum tíma gerðum við Helga Þórey Jónsdóttir ráðningu hans við Háskóla Íslands að umtalsefni í opnu bréfi undir yfirskriftinni; Háskóli Íslands – griðastaður dónakarla? Ég hef áður lýst því hvernig það var að takast á við íslenskt Jóns-dýrkandi samfélag dagana og vikurnar á eftir, ég hefði ekki getað ímyndað mér að svona lítill aktívismi gæti verið svona ofsalega erfiður og átakanlegur.

En ég sé ekki eftir neinu. Eða… næstum því engu. Eins og Helga bendir réttilega á í Facebook-status í dag hljómar það óþægilega aumt og sakleysislegt að kalla hann dónakarl. Ég sé eftir því. Hann er predator. Sögurnar sem koma fram í þessari fimm blaðsíðna umfjöllun í Stundinni í dag eru svo sannarlega ekki allar sögurnar. Hann hefur skilið eftir sig slóð alla tíð og hann er ekki hættur enn. Honum finnst hann aldrei hafa gert neitt rangt.

Í hvert skipti sem ofbeldisferill hans er til opinberrar umfjöllunar hugsa ég með mér að nú hljóti að vera komið gott. Nú hljóti hann að sjá sóma sinn í því að drulla sér úr fjölmiðlunum og hverfa úr sviðsljósinu. En hann getur það ekki. Hann getur ekki hætt að troða sér fram og baða sig í sviðsljósi. Hann mun aldrei hætta því. Ábyrgðin hvílir því á okkur hinum. Hættum að gefa þessum hjónum pláss. Hættum að veita þeim athygli fyrir nokkuð annað en ofbeldisverkin sem þolendur þeirra þurfa að lifa með. Nú er komið nóg. Leyfum þeim að verja ellinni í einrúmi og þögn.

Jón Baldvin Hannibalsson var um árabil formaður Alþýðuflokksins. Hann var utanríkisráðherra í samstjórn Sjálfstæðisflokksins og Alþýðuflokksins á árunum 1991-1995 undir forsæti Davíðs Oddssonar. Meðal frægra verka Jóns Baldvins sem ráðherra var gerð EES-samningsins við Evrópusambandið og viðurkenning á sjálfstæði Litháens sem á þeim tíma háði harða sjálfsæðisbaráttu við Sovétríkin. Undanfarin ár hefur Jón Baldvin ítrekað verið sakaður um kynferðislega áreitni og hafa þær ásakanir náð  hámarki í umfjöllun fjölmiðla þessa dagana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 10 klukkutímum

Friðriki blöskrar spillingin á Íslandi og telur sig vita ástæðuna: „Ég varð hreinlega brjálaður“

Friðriki blöskrar spillingin á Íslandi og telur sig vita ástæðuna: „Ég varð hreinlega brjálaður“
Fréttir
Fyrir 11 klukkutímum

Hjördís aldrei séð annað eins: „Þetta hverfur bara um leið“

Hjördís aldrei séð annað eins: „Þetta hverfur bara um leið“
Fréttir
Í gær

Keyrði á kyrrstæðan bíl í miðbænum: „Gríðarlegur hvellur“

Keyrði á kyrrstæðan bíl í miðbænum: „Gríðarlegur hvellur“
Fréttir
Fyrir 2 dögum

Davíð finnst ólíklegt að Jón Þröstur sé á lífi: „Þú veist aldrei hvað er að brjótast um í höfðinu á fólki“

Davíð finnst ólíklegt að Jón Þröstur sé á lífi: „Þú veist aldrei hvað er að brjótast um í höfðinu á fólki“
Fréttir
Fyrir 2 dögum

Arnar sakar Olís um aumingjaskap: „Verða bara að drullast til að hafa þessa hluti í lagi“

Arnar sakar Olís um aumingjaskap: „Verða bara að drullast til að hafa þessa hluti í lagi“
Fréttir
Fyrir 2 dögum

Kona má ekki heita kona – Má þó heita Náttúra og Kráka : „Bara kvenfyrirlitning, hrein og klár“

Kona má ekki heita kona – Má þó heita Náttúra og Kráka : „Bara kvenfyrirlitning, hrein og klár“
Fyrir 3 dögum

Boris færist nær

Boris færist nær
Fréttir
Fyrir 3 dögum

„Karlar sem kalla fyrrverandi konur sínar geðveikar á opinberum vettvangi er það sem við köllum RAUTT LJÓS“

„Karlar sem kalla fyrrverandi konur sínar geðveikar á opinberum vettvangi er það sem við köllum RAUTT LJÓS“