Miss Universe Iceland keppnin fór fram í Hljómahöllinni í Reykjanesbæ í kvöld. Það er Birta Abiba Þórhallsdóttir sem var krýnd Miss Universe Iceland eftir val alþjóðlegrar dómnefndar. Birta verður því fulltrúi Íslands í Miss Universe keppninni.

Þáttakendur í keppninni voru 21 en það er Elísabet Hulda Snorradóttir sem lenti í öðru sæti.

Í viðtali við Vísi eftir keppnina sagði Birta að hún hafði ekki búist við þessum úrslitum og að dagurinn hafi verið ótrúlega góður.

„Þetta er bara búið að vera ótrúlega gaman.“

Birta Abiba hefur áður vakið athygli en fyrir stuttu skrifaði hún pistil sem var sláandi áminning til okkar allra um þá ofbeldisfullu kynþáttafordóma sem enn eru til staðar á Íslandi.

Birta verður fyrir ofbeldi og kynþáttafordómum vegna húðlitar síns

Í viðtalinu við Vísi vildi Birta koma því á framfæri að útlit fólks skipti ekki máli, allir séu fallegir.

„Allir eru fallegir sama hvernig þeir líta út að utan. Það skiptir ekki máli hvaða litarhaft þú hefur, það er bara hver innri manneskjan er.“

DV óskar Birtu Abibu innilega til hamingju með sigurinn.