Samanlagður like-fjöldi þeirra stjórnmálaflokka sem eiga kjörna fulltrúa á Alþingi er 59.347 á Facebook-síðum flokkanna, ef aðeins er horft til aðalsíðna þeirra. Þegar kemur að Twitter er samanlagt fylgi allra flokkanna 14.444. DV gerði óformlega rannsókn á því hvernig Alþingi myndi líta út ef like-fjöldi og fylgi á Twitter og Facebook ákvarðaði fjölda kjörinna fulltrúa. Ríkisstjórnin myndi taka nokkrum breytingum ef skipan ráðherra færi eftir fjölda fylgjenda á Twitter.
Katrín Jakobsdóttir hefur yfirburða fleiri fylgjendur en aðrir svo hún myndi halda sæti sínu í ríkisstjórninni. Aðrir sem nú þegar eru í ríkisstjórn og myndu halda sæti sínu ef farið væri eftir Twitter fylgjendum eru Bjarni Benediktsson, Guðlaugur Þór Þórðarsson, Svandís Svavarsdóttir og Þórdís Kolbrún Reykfjörð. Þeir sem kæmu inn í ríkisstjórnina yrðu þau Smári McCarthy, Áslaug Arna Sigurbjörnsdóttir, Þorgerður Katrín Gunnarsdóttir, Sigmundur Davíð Gunnlaugsson, Andrés Ingi Jónsson og Gunnar Bragi Sveinsson.
