Þetta kemur fram í tilkynningu frá Veðurstofunni. Segir að skjálftinn hafi fundist allt frá Blönduósi í vestri austur á Húsavík í austri. Búast má við eftirskjálftum. Eftirskálftar hafa mælst, sá stærsti 2,6 að stærð. Upptök stóra skjálftans og eftirskjálftanna virðast vera á 8 til 10 km dýpi.
Svæðið er þekkt jarðskjálftasvæði og má þar nefna að hrina varð þar haustið 2012 en þá mældust stærstu skjálftarnir 5,6 og 5,4 að stærð. Á síðasta ári urðu þrír skjálftar stærri en 3 á svæðinu.