Fjárfestingafélag Guðbjargar Matthíasdóttur og fjölskyldu hennar, ÍV fjárfestingafélag, hagnaðist um ríflega einn milljarð á síðasta ári. Þetta kemur fram í Markaðnum í dag en vísað er í nýlegan ársreikning félagsins fyrir síðasta ár. Félagið fer með 89 prósenta hlut í Ísfélagi Vestmannaeyja.
Hagnaðurinn jókst um 410 milljónir króna frá fyrra ári og átti félagið eignir upp á 15,6 milljarða króna í lok síðasta árs.
Þá kemur fram að félagið hafi greitt móðurfélagi sínu, Fram, 428 milljónir króna í arð á síðasta ári. Árið 2017 námu arðgreiðslurnar 3,3 milljörðum króna. ÍV fjárfestingafélag á meðal annars hluti í Símanum og Tryggingamiðstöðinni.