Lögreglan á höfuðborgarsvæðinu þurfti að bera mann út úr afgreiðslu dómsmálaráðuneytisins rétt fyrir klukkan 12 í morgun. Maðurinn hafði komið inn í afgreiðslu ráðuneytisins og hótað að skaða sig.
Fréttablaðið greinir frá þessu. Fullyrt er að viðbúnaður lögreglu hafi verið talsverður og á vettvangi hafi verið bæði sérsveit og sjúkrabíll.
Maðurinn var að sögn sjónarvotts borinn út. Hafliði Helgason, upplýsingafulltrúi dómsmálaráðuneytisins, vildi lítið tjá sig um málið og lögregla vildi ekkert segja. Því er lítið vitað um aðdraganda atviksins.
