Ljósið ýtti í gær nýrri herferð sinni formlega úr vör, en markmiðið er að að vekja athygli á starfi Ljóssins og safna fleiri mánaðarlegum styrktaraðilum, svonefndum Ljósavinum, sem með framlagi sínu styðja við starf Ljóssins.
„Það er ekkert í lífinu sem býr þig undir það að greinast með krabbamein. Ljósið veitir hins vegar von,“ segir Erna Magnúsdóttir, stofnandi og forstöðumaður
Ljóssins.
Fullt var út úr dyrum í húsnæði Ljóssins á Langholsvegi 33 í Reykjavík og fór aðsóknin fram úr væntingum að sögn Sólveigar Kolbrúnu Pálsdóttur, markaðs-og kynningarstjóra Ljóssins.
„Við erum virkilega stolt af því að Eliza Reid forsetafrú hafi hrint herferðinni úr vör.“
Forsetafrúin hélt einlæga ræðu um starf Ljóssins, þar sem hún hvatti fólk jafnframt til að gerast Ljósavinir. „Það er áfall að greinast með krabbamein og það má örugglega fullyrða að allir þekkja einhver sem hefur greinst með sjúkdóminn sem snertir ekki bara þann sem greinist heldur hafa veikindin áhrif á alla fjölskylduna. Lífið breytist og dagleg rútína raskast, við slíkar aðstæður er nauðsynlegt að eiga skjól. Þar hefur Ljósið hjálpar ótrúlega mörgum
Myndband herferðarinnar var einnig frumsýnt, en það má sjá hér fyrir neðan, auk mynda sem Ragnar Th Sigurðsson tók.
