Af Twitter-færslum Bubba Morthens að dæma þá hefur hann verulegar áhyggjur af hlýnun jarðar. Undanfarið hefur hann reynt að vekja fólk til vitundar um að ef ekkert verður gert þá mun ekkert líf þrífast á jörðinni og þar með taldir eru afkomendur.
„Barna börn þín og þeirra börn bíður helvíti ef þú gerir ekki strax eitthvað í því að fá stjórnvöld til þess að bregðast áþreifanlega við hlýnun jarðar,“ skrifar Bubbi í gær.
Fyrir fáeinum dögum fjalli Bubbi um þetta sama málefni á forritinu. „Erum að koma okkur útúr partíinu sem jörðin bauð okkur í. Höfum lagt allt í rúst. Hingað til hafa fyrirtæki heimsins neitað að taka á vandanum sem og leiðtogar veraldar, margir hverjir. Við getum þvingað ráðamenn hér heima til að bregðast við. Valdið er okkar. VALDIÐ ER OKKAR,“ sagði Bubbi.
Barna börn þín og þeirra börn bíður helvíti ef þú gerir ekki strax eitthvað í því að fá stjórnvöld til þess að bregðast áþreifanlega við hlínun jarðar
— Bubbi Morthens (@BubbiMorthens) April 22, 2019
